ព័ត៌មាន

គម្រោងអភិវឌ្ឍលំនៅដ្ឋានយក្សរបស់សិង្ហបុរីដ៏មានសក្ដានុពល ដែលត្រូវបានសាងសង់ឡើងយ៉ាងសម្រិតសម្រាំងនិងគិតគូរយ៉ាងល្អិតល្អន់ទៅលើគុណភាព និងស្តង់ដារនៃការរស់នៅលំដាប់ថ្នាក់អន្តរជាតិ ឥឡូវនេះកំពុងស្ថិតក្នុងដំណាក់កាលសាងសង់យ៉ាងសស្រាក់សស្រាំ ហើយត្រៀមខ្លួនរួចជាស្រេចដើម្បីបង្ហាញវត្តមានរបស់ខ្លួននៅលើទឹកដីខណ្ឌសែនសុខ។

គម្រោងសហវិជិតរាជ្យ(ខុនដូ) Leedon Heights ដែលមានរូបរាងនិងការរចនាម៉ូដដ៏ស្រស់ប្រណីតនិងឡូយឆាយបែបសិង្ហបុរី ដែលលាតសន្ធឹងលើផ្ទៃដីចំនួន១.៥ហិកតា មានចម្ងាយត្រឹមតែ១នាទីពីសាលាស្តង់ដារអន្តរជាតិ ២នាទីពីផ្សារទំនើប AEON Mall Sen Sok និង៥នាទីពីផ្សារលក់ទំនិញគ្រប់ប្រភេទMakro ត្រូវបានសាងសង់ឡើងដោយអ្នកអភិវឌ្ឍន៍គម្រោងលំនៅដ្ឋាននិងអគារខ្ពស់ៗMSQM ដែលមានកេរ្តិ៍ឈ្មោះបោះសំឡេងជាច្រើនឆ្នាំក្នុងភ្នំពេញ ដែលស្នាដៃអភិវឌ្ឍន៍គម្រោងរបស់គេកន្លងមករួមមាន Lyve Inc Hotel និង Global Tech Exchange ក្នុងខណ្ឌដូនពេញ Lyve Inc Hotel & Residences និង Central Boutique Hotel ក្នុងខណ្ឌ7មករា ព្រមទាំងMSQM Park ក្នុងសង្កាត់ព្រែកហូរ ខេត្តកណ្តាលផងដែរ។

ខុសប្លែកពីគម្រោងខុនដូដទៃក្នុងទីផ្សារ សំណង់អគារដ៏មានភាពទាក់ទាញរំលេចទៅដោយស្ថាបត្យកម្មដ៏ល្អឥតខ្ចោះនេះ ផ្ដោតសំខាន់លើផាសុកភាពនៃការរស់នៅខ្ពស់ ស្តង់ដារនៃការរស់នៅលំដាប់ថ្នាក់អន្តរជាតិ មានស័ក្តិសមបំផុតសម្រាប់មនុស្សសម័យថ្មី បូករួមនឹងសោភណ្ឌភាពដ៏គួរឲ្យចាប់អារម្មណ៍ អមជាមួយសួនទេសភាពដ៏ស្រស់ត្រកាល ដែលញ៉ាំងឲ្យការរស់នៅប្រកបដោយភាពសុខដុមរមនានិងសុភមង្គល។ រាល់បន្ទប់នីមួយៗធំទូលាយ ដែលមានរហូតដល់146ម៉ែត្រការ៉េ ដែលរចនាឡើងដើម្បីឲ្យមានភាពងាយស្រួលរស់នៅ មានអារម្មណ៍ថាធំស្រលះ ដូចជាផ្ទះជាប់ដីផងដែរ។ Leedon Heights បានផ្ដាច់ខ្លួនឲ្យប្លែកពីខុនដូជាច្រើនទៀតក្នុងទីក្រុង តាមរយៈចាប់យកប្រភេទអតិថិជនដែលស្រលាញ់បន្ទប់ធំៗ និងចង់រស់នៅរយៈពេលវែង។

បរិក្ខារដ៏ទំនើបនិងសម្បូរបែបរបស់ Leedon Heights មានអាងហែលទឹកខ្នាតអូឡាំពិក អាងត្រាំទឹក “Jacuzzi” បន្ទប់ស្ទីម ទីលានវាយសី ក្លឹបហាត់ប្រាណ ផ្លូវរត់ហាត់ប្រាណ កន្លែងអាំងសាច់ ទីធ្លាក្មេងលេង និងសួនច្បារដ៏ធំទូលាយនៅជាន់ផ្ទាល់ដី ដែលអាចបំពេញរាល់តម្រូវការរបស់អ្នកស្នាក់នៅ។ ជាមួយនឹងទំហំដី 1.5ហិកតា អ្នកស្នាក់នៅ នឹងទទួលបានបរិយាកាសស្រស់ស្រាយជារៀងរាល់ថ្ងៃ ដោយសារតែបរិវេណដ៏ទូលាយនៃខុនដូ បានធ្វើឲ្យមានអារម្មណ៍ថាដូចជារស់នៅជាមួយធម្មជាតិ មានរុក្ខជាតិ និងថ្លុកទឹកដ៏ធំមួយនៅចំកណ្ដាល។ ជាពិសេសគឺទីតាំងដ៏មានសក្តានុពលរបស់គម្រោងមួយនេះហ៊ុមព័ទ្ធទៅដោយភោជនីយដ្ឋាន ហាងលក់ទំនិញល្បីៗ មន្ទីរពេទ្យអន្តរជាតិ និងមជ្ឈមណ្ឌលកម្សាន្តជាច្រើនទៀត ដែលអាចបំពេញរាល់តម្រូវការ និងធ្វើឲ្យជីវិតរស់នៅប្រចាំថ្ងៃរបស់លោកអ្នកកាន់តែមានន័យ។